وكالات//

كيم كارداشيان هضرات بصراحة على التجربة الصعيبة اللي دازت منها فزواجها من مغني الراب الأمريكي كانييه ويست، وقالت باللي كانت حاسة بشي حاجة كتسما “متلازمة ستوكهولم” تجاهو.

فالعرض الأول ديال الموسم السابع من برنامج The Kardashians، كيم اللي عندها 45 عام، بانت فالكواليس ديال مسلسلها الجديد “كل شي فبلاصتو”، وهضرات على كيفاش زواجها السابق أثّر عليها نفسيًا وجسديًا، وقالت أنها رجعات ليها الصدفية من بعد الطلاق بسبب التوتر والضغط اللي كانت عايشاه.

كيم وضحات أنها كتدير مجهود كبير باش تحمي ولادها الأربعة من المشاكل اللي بينها وبين والدهم، وقالت:”مني كنشوف شي تصرف غريب من كانييه، كنفكر غير فالأولاد ديالي. الناس اللي حدايا يقدرو يتحمّلو، ولكن خاص نحمي الصغار.”

وزادت وقالت إن واحد من ولادها بدا مؤخراً كيسمع على التصرفات ديال الأب ديالو، وقالت:

“منين يكبرو غادي يعرفو الحقيقة، ودوري دابا هو نحميهم قد ما نقدر.”

كيم اعترفات حتى هي بأنها كانت ديما كتحس براسها مسؤولة على كانييه، وقالت: كنت ديما باغا نعاونُو، وكان عندي إحساس بالمسؤولية تجاهو، ولكن أول مرة حسّيت أني خاصني نحبس هاد الشي، وماشي ضروري نتحمّل كل حاجة.”