وكالات//

قالت بزاف ديال المواقع الصحفية في العالم، أن أطباء وعلماء في الصين تمكنو من أنهم يعالجو واحد السيد من مرض السكر، لأول مرة في التاريخ.

وأكدات هاد التقارير أن العلاج كان غير تقليدي، زعما غير معتاد، حيت دارو لأول مرة العلاج بالخلايا.

السيد لي تعالج، كتقول التقارير كان في عمرو 58 عام، وكان مرض بالسكر من هادي 25 عام، وعانى من مضاعفات خطيرة للمرض.

السيد كان حيد كلوة بسباب السكر وركب فيه مرض حتى ديال البنكرياس، وهو شي لي خلا الأطباء يزرعو ليه بزاف ديال الخلايا، ودابا كيقولو أنه تشافا وولات صحتو في تحسن كبير.

وهادي هي المرة الأولى في العالم لي كيديرو فيها الأطباء العلاج بالخلايا باش يعالجو مريض بالسكر.