وكالات//

فاجآت النجمة الميريكانية المشهورة بيونسيه، الملايين من ليفان ديالها بعدما خرجات لأول مرة تهضر على الحياة الخاصة ديالها.

وكانت الحياة الخاصة ديال هاد المغنية لي كيعشوقها الملايين في العالم كامل، لغز محير بالنسبة ليهم، حينت ماعمرها ماخرجات وهضرات عليها في الميديا.

ولكن هاد المرة خرجات بيونسيه في مجلة GQ الميريكانية وقالت بزاف على الحياة ديالها، خاصة الحياة العائلية لي عندها.

https://www.instagram.com/p/C_vGAGFPZ_Z/?utm_source=ig_embed&ig_rid=181bcb87-1fe6-4e21-9256-3d5b52e80f1d&img_index=1

وهضرات بيونسيه على راجلها المشهور جاي-زي وولادها الثلاثة: بلو آيفي والتوأم رومي وسير.

وقالت بيونسيه أنها كتنوض ديما مع 6 ديل الصباح باش تقدر تخدم واحد ساعتين على مايفيقو ولادها باش يمشيو للمدرسة.

وأكدات بيونسيه أنها كتواجه بزاف ديال التحديات في الحياة العائلية ديالها، أولها هي التكنولوجيا لي خلاتها مكتجلسش معاهم بزاف، وزيد عليها الصحافة والإعلام والأضواء ديال الشهرة لي ديما باغي تعرف الحياة الخاصة ديالها.