نجوى المالحي – كود //

من المنتظر باش يخرجو الكوميديات حماقة  وأسماء بلعربي عمل جديد كيجمعهم بجوج، وهادي غتكون اول مرة في مسيرتهم الفنية يتجمعو.

حماقة نشرت تصاور على حسابها في انستكَرام  مع أسماء بلعربي وكتبت عليها بالانجليزية: “كنوجدو شي حاجة، بقاو مبرونشيين”، مع هاشطاگ الفيلم Thelma and Louise لي لعبو فيه البطولة جوج ممثلات كبار، جينا ديڤيس وسوزان سارندون.

نفس الصور نشرتها أسماء بلعربي في حسابها The tberguig على انستكَرام، والفنانات بجوج ما كشفوش على تفاصيل العمل لي غادي يجمعهوم، وخلاو شوية ديال الغموض باش يشوقو الفانز ديالهم.

https://www.instagram.com/p/CLpKGFLF1Gj/?igshid=wno2u2wwhdgz