وكالات//
ترافيس كيلسي يكشف على لحظة خطوبتو من تايلور سويفت: “ماكنتش قادر نحبس دموعي”.
النجم ديال فريق “كانساس سيتي تشيفز”، ترافيس كيلسي (35 عام)، هضر على تفاصيل خاصة من لحظة ما تقدّم لخطبة النجمة العالمية تايلور سويفت، فواحد اللقاء داروه معاه قبل ماتش فريقو نهار الأحد، على قناة “فوكس”.
كيلسي قال إنه ماقدّرش يكبح دموعو فداك الموقف اللي وصفو بـ”العاطفي”، وزاد: “كانت يديا كتعرق، بصراحة”. وتابع بتأثر: “هاد الرحلة كانت زوينة بزاف حتى لدابا، وماكنقدرش نصبر باش نكمل حياتي معاها”.
وأضاف لاعب “السوبر بول” أنه فضّل تايلور هي اللي تحكي تفاصيل هاد اللحظة، ولكن أكّد أنه ركع على ركبة وحدة الشهر اللي فات، فاش كانو كيسجلو حلقة من بودكاست “نيو هايتس” اللي كيديرو مع خوّه جيسون كيلسي.
الزوجين كانو شاركو تصاور ديال الخطوبة على “إنستغرام” فشهر غشت، وكتبو عليهم تعليق ساخر: “أستاذة ديال الإنجليزية وأستاذ ديال الرياضة غيتزوجو”.
فأول خرجة إعلامية بعد الخطوبة، عبّر كيلسي على الفرحة ديالو، وقال إنه فرحان وهو كيقول على تايلور: “خطيبتي”، ووضح فالبودكاست: “من الرائع أنك تقول للناس مع من ناوي تقضي حياتك”.
وما نْساش يعطي نصيحة للرجال اللي ناويين يتزوجو، وقال: عرف مزيان شريكتك، وما تخليش ضغط الناس يْأثّر عليك. ممكن تاخذ أفكار من تجارب الآخرين، ولكن الأهم هو أن القرار يجي من القلب ومن معرفتك بيها”.
