وكالات//
بان النجم الإنجليزي دافيد بيكهام ومراتو فيكتوريا بيكهام في قصر باكنغهام نهار الثلاثاء، مللي شاركو بجوج في حفل عشاء رسمي دارو الملك تشارلز الثالث والملكة كاميلا لتكريم أمير قطر الشيخ تميم بن حمد آل ثاني ومراتو الشيخة جواهر بنت حمد آل ثاني.
والحضور ديال بيكعهام ومراتو بقا غير معلن حتى بدا الحدث، ولفت الأنظار، وتبارطاجاو بزاف ديال التصاور ليهم وهوما شادين فيد بعضياتهم.
وواخا شارك بزاف ديال المرات في المناسبات الملكية، وخدا وسام الإمبراطورية البريطانية عام 2017، كانت هذه المرة الأولى اللي كيحضر فيها بيكهام شي حفل عشاء رسمي بالقصر.
وكتربطو بالعائلة المالكة علاقات قوية، بعدما عينوه هذا العام سفير ديال مؤسسة الملك، وساهم في جمع التبرعات لمشاريع الأمير ويليام.
