وكالات//

لأول مرة، خرج الممثل الميريكاني، براد بيت، على الصمت ديالو، وجاوب على الاتهامات الجديدة لي وجّهتها ليه طليقته أنجلينا جولي، ولي قالت أنه كان كيعنفها ويعنف ولادها.

براد بيت دار بيان على لسانو نشراتو محاميتو، ولي قالت بأن كاع الاتهامات لي كتوجها أنجلينا جولي لموكلها كذوب وغادي يجاوب عليها في المحكمة كيفما دار ديما.

وقالت محامية براد بيت أن موكلها مستعد يتحمل عواقب الأخطاء لي ارتكب وهو فعلا متحملها، لكن الادعاءات ديال أنجلينا جولي ما عندها علاقة بالحقيقة وكتسيء لولادها قبل ما كتسيء لطليقها.