وكالات//

خرج النجم الميريكاني المشهور جيمي فوكس من الصمت ديالو وكشف أخيرا تفاصيل المرض الغامض لي مرض بيه العام لي فات ولي غيبو على الساحة لشهور طويلة.

هاد المرض جاه في شهر أبريل من العام لي فات، فين كان كيصور آخر الأفلام ديالو في أطلانطا حتى تفاجأ بواحد المرض مابقاش كيخليه يقدر يمشي.

وقال فوكس أنه حس بصداع خايب بزاف في الراس ديالو، ومن بعد مابقاش قادر يمشي، وقال كدلك أنه ماعقلش على شنو طرا ليه لمدة 20 يوم.

وأكد فوكس أن الأطباء لقاو شي حاجة في راسو، بلا ميعطي التفاصيل أكثر على شنو لقاو بالضبط، ولكن أكد للمعجبين ديالو أنه دابا في حالة صحية مزيانة.