وكالات//

نجحو أطباء ميريكانيين من أنهم يديرو أول عملية جراحية لراجل زرعو ليه الكلوة ديالو وهو فايق، يعني بلا ميابنجوه كلو.

هاد العملية دارت في السبيطار ديال “نورث وسترن ميديسن” بشيكاغو في 24 ماي لي فات، ولي دارها هو جون نيكولاس، لي عندو 28 عام في عمرو.

كيقول بيان ديال السبيطار أن نيكولاس كان كيشوف بعينيه الكلوة ديالو وهي كتخرج وكتزرع وحدة جديدة، لي تبرع بيها ليه واحد صاحبو.

وأكدو الأطباء أنهم كتافاو بأنهم بنجو غير جزء صغير من النخاع الشوكي وشي بلايص خفاف، وقالو أنه ماحس بحتى شي آلام.

وأكدوا كذلك أن نيكولاس خرج من السبيطار بعد 24 ساعة فقط من العملية، وهو فصحة مزيانة.