الوالي الزاز -كود- العيون////
[email protected]

علقت الجزائر على بيان الخارجية الأمريكية الذي اكدت فيه دعم مغربية الصحراء ومبادرة الحكم الذاتي كأساس تفاوضي لحل نزاع الصحراء، وذلك في أعقاب المباحثات التي أجراها وزير الشؤون الخارجية والتعاون الأفريقي والمغاربة المقيمين في الخارج، ناصر بوريطة، بمعية نظيره الأمريكي، ماركو روبيو.

اللافت فهاد البيان ديال وزارة الخارجية الجزائرية ماشي الرفض ديال الموقف الأمريكي ولا اللغة ظيالو اللي كانت “لايت” مافيهاش تهديد ووعيد بحال اللي كان إبان الموقف الإسباني والفرنسي، ولكن اللافت هو حضور مصطلح جديد فبيانات الخارجية الجزائرية وهو مصطلح “اقليم غير متمتع بالحكم الذاتي”، بحيثث جا فهاد البيان بالحرف: “والواقع أن الصحراء الغربية لا تزال إقليما غير متمتع بالحكم الذاتي بالمعنى الوارد في ميثاق الأمم المتحدة..”.

هاد المصطلح واخا متعارف عليه ضمن الأمم المتحدة ويطلق على 17 إقليم عبر العالم بمن فيهم الصحرا، ولكن حضوره في بيانات الخارجية الجزائرية ليس وليد الصدفة وماشي إعتباطي وماشي غير هكاك جاو وحطوه خصوصا مع تشددهم فالمطالبة “تقرير المصير” ورهن هاد المبدأ مع “الإستقلال” گاع، وبالتالي فإنه يمكن يوحي لينا بإشارة جزائرية للمملكة المغربية حول مقترح الحكم الذاتي وشناهو وشناهي أسسه ومبادئه وكيفاش يمكن تطبيقه، خاصة وانه لحدود اللحظة ما كاين حتى وثيقة رسمية مُعممة حول هاد المبادرة من غير العناوين لكبار ديال كون الاقليم تكون عندو قدراتو البشرية فالتسيير تحت السيادة المغربية والعلم المغربي.

حضور هاد المصطلح والتأكيد عليه يكشف عن محاولة جزائرية للتعرف عن قرب على هاد المبادرة  اللي مجهولة بالنسبة ليه، وممكن يكون فهاد التعرف على المبادرة سوء نية، وما يكونش بنية الحل ولا المشاركة فيه، خاصة فهاد الوقت بالضبط اللي العلاقات مقطوعة مع المغرب والتوتر غادي وكيتزاد من طرف الجزائر ونظامها العسكري.

الزج بمصطلح “إقليم غير متمتع بالحكم الذاتي” فبيان صادر تعليقا على موقف أمريكي عندو هدف أيضا، وهو محاولة ضرب الدعم الأمريكي لهاد المبادرة اللي حسب الدزاير هي مبادرة فرنسية ماشي مغربية وغير موجودة ولا يمكن تطبيقها لأن الصحراويين حسبها باغيين “تقرير المصير” متناسية الصحراويين اللي فالإقليم واللي منخارطين فترسيخ مغربية الصحرا.

الزج أيضا بهاد المصطلح فيه رسالة لميريكان باش تتحرك فالملف وتحث المغرب على أنه يستفيض فشرح المبادرة، خاصة مع إستحضار الدور الأمريكي فمجلس الأمن الدولي وإعرابها بشكل صريح فبيانها البارح على أنها غادي تسهل التقدم نحو حل النزاع على أساس مبادرة الحكم الذاتي كأسلس وحيد للتفاوض.

حضور هاد المصطلح أيضا فبيان الخارجية الجزائرية فيه تماهي مع ما قاله المبعوث الشخصي للأمين العام للأمم المتحدة لنزاع الصحراء، ستافان دي ميستورا فالحلسة ديال مجلس الأمن اللي هدر فيها على التقسيم وعلى الحكم الذاتي فاش قال أن هاد الفكرة خاصها توسع وخاص تغرف كثر، ولكن أيضا فيه رد على وزير الشؤون الخارجية والتعاون الأفريقي والمغاربة المقيمين في الخارج، ناصر بوريطة، فاش قال فندوة صحفية تعليقا على ما قاله دي ميستورا على مبادرة الحكم الذاتي: “يوم تعبر الاطراف عن إستعدادها للدخول في هذا المسار الذي يعد الحكم الذاتي أرضيته الوحيدة، آنذاك في إحترام للخطوط الحمراء سيكون هناك حديث حول الأمور التي تحتاج التفصيل، ولكن في غياب الإنخراط الجدي الواضح والعلني فهذه الامور سابقة لأوانها”.