وكالات//

كشفات واحد لونكيط تدارت في الدولة ديال ويلز أن راهب في كنيسة كاينة في جزيرة صغيرة في البحر كان كيتعدا جنسيا على الدراري الصغار لأكثر من 40 عام.

ووصلات نتائج هاد التحقيق إلى أن هاد الراهب تعدا عليهم واخا وصلات بزاف ديال الشكاوي عليه من الضحايا ديالو.

هاد ” الأب” سميتو  ثاديوس كوتيك، وعاش في جزيرة كالداي من أواخر الأربعينيات حتى الموت ديالو عام 1992، واستغل زوار الجزيرة باش يدير جرائم اغتصاب واعتداءات جنسية على الدراري والبنات الصغار.

ولقات لونكيط أن 20 ضحية تعرضو لهاد الاعتداءات، في الوقت لي قالت فيه حملة “ناجون من جزيرة كالداي” أنها توصلات ببلاغات من 55 ضحية.

والخطير فهادشي كامل، على حساب ماقالت هاد الحملة، هو أن السلطات تلقات العشارات من الشكاوي ضد هاد السيد ولكن متحركاتش نهائيا باش تحقق معاه ولا تعتاقلو.