هَاهُمَ جَاوْ
هاهُمَ جاوْ
في الظلمة يَتهاماوْ
لاَبرامج واضْحة لاأفكار زِينة
غير ألوان باهْتة
وحْرُوزة مْحنشة في أوراق مْتينة
في لَعْباد باعوا واشراوْ
شعارهمْ الشْكارة والنفاق
ومْصير البْلاد في جُيوبهم رْهِينة
كِيفْ البَارح كِيفْ اليُومْ
ما حَشمُو ما راعاوْ
غيرْ الكذوبْ والبُهتان والغبينَة
حَادرِين الرْيُوسْ كِالأنعامْ
لاَين في كْرُوشهم الَعْجِينة.
هَاهُمَ جَاوْ
هَاهُمَ جَاوْ
الَغْرُبة عْلَى لَفرَايسْ تْحُومْ
وهُما على الكراسَى يَتحاباوْ
لكن نْهار الخمسة والعشرين نونبر
لازمْ يَترباوْ …لازم يَترباوْ….