كود -وكالات //

كُويكب 99942 أبوفيس، اللي تسمّى على اسم إله الفوضى فالميثولوجيا المصرية، غادي يدوز قريب بزاف من الأرض نهار 13 أبريل 2029 فواحد الحدث سماوي غابر، المسافة ديالو غادي تكون غير 32 ألف كيلومتر يعني قرب من بعض الأقمار الصناعية.

الخبر الزوين هو أن هاد الكويكيب ما كيشكل حتى خطر على الأرض، فالبداية ملي تكتاشف فـ2004، كان احتمال صغير ديال أنه يكون الاصطدام فـ 2029، ولكن من بعد دراسات دقيقة باستعمال التلسكوبات والرادار، العلماء تأكدو أن ما كاين حتى خطر لمدة 100 عام على الأقل.

هاد الاقتراب غادي يكون مميز حيث الناس خصوصاً فالنص الشرقي من الأرض، يقدرو يشوفوه غير بالعين إلا كان الجو صافي .

أبوفيس كويكب قديم بزاف، عمره 4.6 مليار سنة، وباقي من بقايا تكوين النظام الشمسي، مني غايدوز غادي يعطي فرصة مهمة للعلماء باش يدرسوه مزيان ويفهمو الخصائص ديالو. حتى وكالات الفضاء بحال ناسا ووكالة الفضاء الأوروبية كيوجدو مهمات خاصة باش يتابعوه عن قرب.