وكالات//

صحيفة The Guardian البريطانية قالت إن كَوكَل دارت أدوات خصوصية جديدة كتسمح للمستخدمين باش يحيدو تصاورهم وللا يخليوها فالأنترنت، وحتا إلى دار شي واحد محتوى فيه معلومات شخصية وبارطاجاه فالويب، ومن بعد تنادم معاه الحال يقدر يحيدو بسهولة.

كَوكَل دارت أدوات تحكم جديدة كينا هاد الساعة غير فميريكان كتسمح للمستخدمين يشوفو نتائج البحث اللي فيها معلومات خاصة بيهم، ويمكن ليهم من بعد يحيدوها من كَوكَل بالزربة، وهاد الأداة كتصيفط للمستخدم مساج ملي كتبان نتائج جديدة فالبحث فيها معلومات كتخصو .

وكَوكَل ناوية تزيد فمحرك البحث ديالها إعدادات جديدة كتسمى تصفية البحث الآمن SafeSearch filtering، هاد الخاصية كتخبي ݣاع الصور الصريحة ومحتوى البالغين ومحتوى العنف لي مصورينو بأدوات افتراضية، والمستخدم يقدر يحبس البحث فأي وقت بغا.