كود سبور//

حدد الاتحاد الإفريقي لكرة القدم مواعيد انطلاق مسابقتي دوري أبطال إفريقيا وكأس الكونفدرالية الإفريقية الموسم الجاي، وكتعرف الأولى مشاركة الرجاء الرياضي والجيش الملكي، والمسابقة الثانية نهضة بركان في انتظار تحديد الفريق اللي غايكون معه فيها.

وبرمج الاتحاد الدولي الكرة القدم انطلاقة دوري أبطال إفريقيا وكأس الكونفدرالية والنهاية ديالهم ما بين منتصف غشت 2024 وماي 2025، والدور التمهيدي منهم غايبدا ما بين 16 و18 غشت 2024، ومرحلة المجموعات غاتكون بين أكتوبر وديسمبر 2024، ومراحل ربع النهائي حتى الفينال غايكونو ما بين مارس وماي 2025.

وبخصوص تسجيل الأندية المشاركة فشومبيونزليگ وكأس الكونفدرالية، حدد الاتحاد الإفريقي 4 مراحل للتسجيل فاللاوائح ديال المسابقتين، والمرحلة الأولى ما بين 01 يوليوز و20 يوليوز ومخصصة للاعبين المشاركون فالجولة التمهيدية، والمرحلة الثانية ما بين 21 يوليو و31 غشت وهي مخصصة للاعبين المشاركين فالجولة التمهيدية الثانية، والمرحلة الثالثة ما بين 01 و30 سبتمبر، وهي مخصصة للاعبين المشاركين فالگروبات، والمرحلة الرابعة بين 01 و31 يناير 2025، والحد الأقصى من عدد اللاعبين المسموح به إضافتهم هو 7 اللاعبين.