وكالات//

قالت بزاف ديال التقارير الصحفية في ميريكان أن الرابور الميريكاني المشهور، ضرب واحد الراجل حاول يقيس مراتو بيانكا سينسوري.

وقال موقع المشاهير الميريكاني TMZ أن البوليس ديال لوس أنجلوس شدو كيني ويست هو ومراتو سينسوري، بسباب هاد المدابزة، قبل ما يخرجو بجوج بكفالة.

المحامي ديال الطليق ديال عارضة الأزياء المشهورة كيم كارداشيان، قال إن المغني دافع على مرتو لي تعرضات للتحرش داخل أوطيل مشهور سميتو Chateau Marmont.

من جيهتو، قال الرابور الميريكاني أن السيد لي تهجم على مراتو تحرش بيها وخشا يديه تحت الصايا ديالها وبغا يقيس الجسد ديالها نيشان.