الوالي الزاز -كود- العيون ///
من المنتظر يوصل غدا الدراج البلجيكي المغامر هيرمان سيگير، لمدينة العيون فإطار رحلة كيديرها ضمن “سان تريب ماروك”، باش يبرز معالم المملكة المغربية والتنوع الجغرافي ديالها وتعدديتها الثقافية.
وقرر المغامر على الدراجة البلجيكي، هيرمان سيگير، أنه يضيف لمسار الرحلة الاقاليم الجنوبية للمملكة، باش يوصل لكبرى حواضر الصحرا مدينة العيون يوم غد الأحد، ويكمل نحو مدن السمارة والجديرية والزاگ -انظر الصورة-.
وغادي يوصل مسار هاد الرحلة على الدراجة نحو 1100 على حساب المعلن عنه، بحيث غادي يربط الأقاليم الجنوبية للمملكة بمدن الشمال، وكيجسد وحدة المملكة المغربية الترابية والسيادة المغربية فظل الشعبية الكبيرة التي تحظى به “sun trip” فالعالم واللي كتدار أيضا فأوروبا وعندها صدى كبير.
هاد النوع ديال المغامرات عندهم وقع خاص على مستوى أوروبا والعالم، وكيجي باش ينقل للعالم لُحمة المغاربة وإعتزازهم بوحدتهم الترابية وبسيادتهم الوطنية وكيعطي للعالم فكرة ترويجية على التعددية الثقافية ديال المغرب والصحرا ديالو.
موضوعات أخرى
قرصنة كبيرة لحسابات تلاميذ “ليوطي” ف”انسترگرام” هاد الصباح
