وكالات//

بارطاجات كيم كارداشيان، امرأة الأعمال الميريكانية والمودل المشهورة، آخر التجهيزات الإلكترونية لي شراتها وزادتها على داكشي الواعر لي عندها.

وحطات كيم واحد الفيديو كتبين فيه الربو الجديد ديالها لي كيشبه للإنسان، ولي خرجاتو شركة تيسلا ديال إيلون ماسك.

كيبان في الفيديو اللحظة لي كيتفاعل معاها فيها هاد الروبو، وعلقات عليه كيم: “هذا هو صاحبي الجديد”.

هاد الروبو سميتو Optimus، ومن المنتظر أنه غادي ينتاشر في العالم كامل، والثمن ديالو بين 20 و30 مليون سنتيم مغربية.