وكالات//

خرجات كيم كارداشيان بتصريح قوي كتهاجم فيه إدارة الهجرة والجمارك فميريكان (ICE)، ووصفت الطريقة ديالهم فتعاملهم مع المهاجرين بـ”غير إنسانية”، خصوصًا بعدما شدّو عائلات فواحد الحملة ديال التفتيش فلوس أنجلوس، واللي تسببات فاحتجاجات كبيرة، وبعضها خرج على السيطرة.

كيم كتبت فـ إنستغرام: “هاذ الإدارة كاتبرر وجودها بأنها كتدافع على الأمن القومي وكتحارب المجرمين، ولكن ملي كنشوفو ناس بسطاء كيتفارقو مع عائلاتهم، خصنا نهضرو ونوقفو مع الحق”.

وزادت: “هاذ الناس راهم جيرانّا، صحابنا، وكيخدمو معانا، وراهوم جزء من المدينة”.

وختمات كلامها بدعوة لـ”طريقة أحسن” فالتعامل مع قضايا الهجرة، وقالت إن الخوف والظلم ما خاصهومش يمنعو الناس يعيشو فـ أمان.

وعاودات نشرت واحد المقطع من خطاب ديال المغنية “دوتشي” فجوائز BET لعام 2025، اللي هاجمات فيه قرار ترامب باش يبعث الجيش يوقف الاحتجاجات، ووصفتو بـ”الهجمات الوحشية باسم القانون والنظام”.