وكالات//

كشفت نجمة تلفزيون الواقع كيم كارداشيان على تفاصيل جديدة بخصوص السرقة ديال المجوهرات ديالها فـ2016، خلال المحاكمة ديالها ف قصر العدل ف باريس. وقالت كارداشيان (45 عام) ف حلقة من مسلسل The Kardashians أنها بغات تلبس المجوهرات الفاخرة ديالها ملي تمشي تشهد، باش “تستفزّ هادوك الخاسرين”، على حدّ تعبيرها.

ومن بين المجوهرات اللي لبسات كيم فالمحاكمة، كان واحد العقد ديال الألماس كيساوي 3 مليون دولار من تصميم سامر حليمة، مصنوع من الذهب البيض وكيتكوّن من 80 ماسة بوزن إجمالي 52.17 قيراط، وزيد عليهم أقراص ديال الذهب والألماس ومجوهرات مختارة من Repossi.

وقالت خبيرة المجوهرات لورا تايلور لمجلة People: “هاد الظهور ماشي مجرد حضور عادي، هادي أول مرة كتواجه فيها الناس اللي صفّدوها وهددوها بالسلاح وسرقو ليها مجوهرات بملايين الدولارات. وكانت عارفة أن الكاميرات غيكونو، وكالعادة ديالها، حرصات تتحكّم فكيفاش غتبان”.