كود – وكالات //

الفازلين من أقدم المنتجات اللي دخلات فالعناية بالبشرة، وكيستعمل من أكثر من 150 عام، بدا استعمالو فـ القرن 19، ومن بعد ولى معروف عالمياً خصوصاً تحت الاسم التجاري «Vaseline».

الفازلين كيتصاوب أساساً من الهلام النفطي (Petroleum Jelly)، وهو مادة شبه صلبة كتنتج من مكونات بترولية وكتخضع للتنقية والمعالجة قبل ما تولي صالحة للاستعمال على الجلد وكيتكون بالأساس من خليط ديال هيدروكربونات، وكيتميز بكونو ما كيدوبش فالماء وكيشكل طبقة فوق البشرة كتعاون تحبس الرطوبة وتقلل من فقدان الماء.

ومن أشهر الاستعمالات ديالو اليوم: ترطيب الجلد، حماية الجروح السطحية، تهدئة الجفاف والتشققات، والوقاية من الاحتكاك،الفازلين ماشي غير كريم كيرطب البشرة، ولكن عندو استعمالات شلا فالعناية بالجلد، وكيستعمل من حوالي 150 عام.

الفازلين كيدير طبقة عازلة فوق الجلد، كتخليك تحبس بالرطوبة وتنقص  الماء، وهاد الشي كيخليه مفيد فعدد من الحالات ،أول استعمال ديالو هو مساعدة الجرح يداوا، حيث كيعاون على رطوبة الجلد وينقص الجفاف والتهيج ،كما يقدر يخفف أعراض لكزيما والصدفية، خصوصاً الحكة والجفاف، وكيعاون البشرة تحافظ على راسها

وعند الرضع، يمكن يستعمل للمساعدة فحماية الجلد من الجفاف والتهيج، وحتى للتخفيف من مشاكل ديال ليكوش، حيث كيدير طبقة كتفصل الجلد على ديشي ديال الرضيع.

الفازلين كينفع حتى فالوقاية من الاحتكاك، خصوصاً بين الفخاد والكعاب فالجري أو الرياضة، وكيقدر يخفف تهيج الجلد .

ومن جهة أخرى، كيعاون يحمي البشرة من الريح والبرد لي كيجرح فلبلايص الباردة، ويمكن يتحط بكمية قليلة تحت النيف إلا كان ضاربك الرواح.