كود سبور//

طالب النجم الفرنسي كيليان مبابي الفريق ديالو باريس سان جرمان الفرنسي برئاسة القطري ناصر الخليفي، يخلصوه فشي فلوس صحيحة كايتسالها لهم، مع العلم أن اللاعب سنا مع ريال مدريد الإسباني 5 سنين، وغايلعب معهم ابتداء من الموسم الجاي.

وكشفت جريدة “ليكيب” وقناة RMC الفرنسيتان، أن الدولي الفرنسي كيليان مبابي راسل ادارة باريس سان جرمان وكايطالبهم باش يخلصو له مبلغ 100 مليون أورو، وهي صاليرات وبريمات كايتسالها لهم، واللي ما تخلصش فيها من أبريل اللي فات حيث ادارة النادي تماطل باش تخلصو ففلوسو.

وحسب نفس المصادر، فكيليان مبابي كايطالب باريس سان جرمان يخلصو له الـ100 مليون أورو قبل من 30 يونيو الجاري، موعد نهاية العقد ديالو مع النادي.