وكالات//

كيفما توقعنا كلنا، ماداز النهار الأول ديال العودة ديال دونالد ترامب لمنصب الرئيس ديال ميريكان بلا متنوض عليه الهضرة ويدير البوز.

هاد المرة القضية فيها مراتو ميلانيا ترامب، ولي قالو ان ديك المرة لي بانت معاه في نهار الإعلان على النتائج ماشي هي وانما مراة أخرى كتشبه ليها.

وبارطاجاو بزاف ديال الناس على السوشيال ميديا تصاور وفيديوهات كيقولو ان السيدة لي مع ترامب ماشي هي ميلانيا وانما وحدة أخرى جابها باش تلعب الدور ديالها، وتساءلو على المصير ديالها.

وليزاد في الشكوك هو ان ميلانيا لبسات نضاضر كوحل النهار كامل واخا كانت في الداخل ديال المقر، كيفما بان في بزاف ديال الفيديوهات.

https://twitter.com/RonFilipkowski/status/1853873880500150426?ref_src=twsrc%5Etfw%7Ctwcamp%5Etweetembed%7Ctwterm%5E1853882118058947003%7Ctwgr%5E0fd1346f426ef0df8080e70f5cfff855943d11ef%7Ctwcon%5Es2_&ref_url=https%3A%2F%2Fwww.skynewsarabia.com%2Fvarieties%2F1753319-D8B4D983-D8A8D980D985D98AD984D8A7D986D98AD8A7-D985D8B2D98AD981D8A9-D8A7D984D8B3D98AD8AFD8A9-D8B1D8A7D981D982D8AA-D8AAD8B1D8A7D985D8A8-D98AD988D985-D8A7D984D986D8B5D8B1D89F

ماشي غير هادشي خرجات شي هضرة أخرى كتقول ان ميلانيا شاركات بصح في الانتخابات وصوتات للمنافسة ديال راجها كامالا هاريس.