وكالات//

رجع جيف بيزوس للواجهة بعدما شارك فإطلاق ستارتاب ديال الذكاء الاصطناعي سميّتها مشروع “بروميثيوس”، اللي قدّرت تجمع تمويل كيبلغ 6.2 مليار دولار.

وهاد الشركة، اللي كيساهم فقيادتها بيزوس وفيك باجاج، باغية تطوّر تطبيقات ديال الذكاء الاصطناعي فمجالات التصنيع، بحال الحوسبة، الفضاء، وصناعة الطوموبيلات. وهاد الدور هو أول نشاط عملي لبيزوس من بعد ما تخلى على منصب الرئيس التنفيذي ديال أمازون فـ2021.

إيلون ماسك ما تسنّاش بزاف وردّ فـ”إكس”، ووصف بيزوس بـ”المُقلّد”، واتّهمو بأنه كيقلّد الطموحات ديالو فمجال الذكاء الاصطناعي.

وماشي هادي أول مرة كيستعمل فيها ماسك هاد الوصف؛ فـ2020 حتى هو وصف بيزوس بـ”المُقلّد” من بعد ما استحوذات أمازون على شركة ديال الطوموبيلات الذاتية القيادة.