الرئيسية > آراء > كيف عودنا بغباؤو سكت حتى عيى ونطق باسلوب ستاليني. كفاءنا الناطق باسم الحكومة اللي هرب مع كورونا كيهدد الصحف المعتمدة: رصدنا تجاوزات بهدف الاثارة
07/04/2020 09:00 آراء

كيف عودنا بغباؤو سكت حتى عيى ونطق باسلوب ستاليني. كفاءنا الناطق باسم الحكومة اللي هرب مع كورونا كيهدد الصحف المعتمدة: رصدنا تجاوزات بهدف الاثارة

كيف عودنا بغباؤو سكت حتى عيى ونطق باسلوب ستاليني. كفاءنا الناطق باسم الحكومة اللي هرب مع كورونا كيهدد الصحف المعتمدة: رصدنا تجاوزات بهدف الاثارة

كود الرباط//

ديما غادي يبقى صغير. ما غاديش يبصم مرحلتو. هادا اللي كذبو علينا بيه وقالو لينا “حكومة كفاءات” كل نهار كيدوز كيبان باللي وزير فاشل فالاتصال ضعيف. كنهدرو على الناطق الرسمي باسم الحكومة عبيابة اللي حتى رئيسو =رئيس الحكومة= ما تاقش فيه مع هاد الجايحة وفضل يخرج اللي كان قبل منو مصطفى الخلفي باش يهدر على تدابير الحكومة. كاين شي شوهة كثر من هادي. باش بنعرفة يهينك خاصك تكون قل من ضعيف.

البارح وزرارتو من خلال مديرية الاتصال والعلاقات العامة التابعة وزارة الثقافة والشباب والرياضة، الناطق الرسمي باسم الحكومة ، ( قطاع الاتصال )، دارت بيان ستاليتي ضد الصحافيين المعتمدين بالمغرب.

بيان فشي شكل. قال فيه ان “عددا من التجاوزات والمخالفات المهنية من طرف بعض مراسلي المنابر الصحفية الأجنبية المعتمدة في بلادنا ، خاصة في ما يتعلق بتغطية تطورات وتداعيات وباء كورونا – كوفيد 19 “. وأن “بعض التقارير والتغطيات الإخبارية التي جرى بثها خلال الفترة الأخيرة من طرف منابر صحفية أجنبية ، تضمنت إما أرقاما ومعطيات غير دقيقة أو جزئية ، أو وقائع جری تضخيمها وإخراجها من سياقها، وذلك بهدف الإثارة”.

وتحدث هاد البيان باللي خاص ” احترام قواعد المهنة ، وذلك بالتحقق من مصادر الأخبار وكذا المعطيات التي يتم نشرها أو بثها حول موضوع جائحة كورونا كوفيد19″.

وسالى بتذكير غبي”كما يهمها أن تذكر المراسلين المعتمدين إلى أن كل القطاعات الحكومية المعنية ، تعمل بشكل مستمر على تسهيل الوصول إلى المعلومات وتوفير المعطيات التفصيلية حول تطور الحالة الوبائية في المغرب، وكذا الإجراءات والتدابير التي يتم اتخاذها من أجل التصدي لمختلف تداعياته الاقتصادية والاجتماعية”.

بيان فهاد الوقت متخلف علاش؟ من حيث المبدأ. كيفاش مؤسسة الناطق الرسمي باسم الحكومة ما كايناش والمسؤول عليها غايب وكيدير على التحقق من الاخبار يا عباد الله. واش هاداك عبيابة كيجاوب. كيعرف اش واقع. كون كان فيديو كون دخلوه للجنة المشتركة.

صحافيون مغاربة وغير مغاربة اتصلو بيه ما كيجاوبش. ما كيدرش.

ثم هاد الشي علاش. لاش البيان. ايلى كانت قناة دارت شي بنت فيها الجوع فشي سبيطار كانو يتاصلو بيها ويوقع التنبيه ويتصحح. ولا كان شي حد بغى يدير ربورطاج من زاويتو واخا بغى غير ما هو ناقص راه من حقو. واش دابا لمغاربة التازمو بالحجر الصحي فكاع لبلايص؟ اللا وكلنا عارفين اللا. ايلى جا شي حد وهدر عليه من الصحافة الدولية من حقو. علاش كتلاح انت.

انت ايلى عندك غيرة على لبلاد كون كاع ما وقفتيش نشر وتوزيع الصحف. ايطاليا اللي وصل فيها الموتى 17 الف وكلها وقفات وقفات ما قرباتش للصحف. اسبانيا وصلات ل12 الف قتيل فكورونا وما مساتش الصحف بل تخصصات ميزانية كبيرة للقنوات الخاصة. حنا درتي قرار يسيء للبلاد خارجيا. صحف ورقية كتعاني وزدتي قتلتيها بهاد القرار.

دابا بانت ليك فالصحف الاجنبية اللي عندهم معتمدين هنا. حالف حتى نتشوهو عالميا.

الكفاءة اساسية باش المغرب يربح كورونا ولكن ماشي بامثال عبيابة. راه كيسيئ لكاع جهود الدولة الكبيرة فمحاربة هاد الوباء.

عقلو مزيان مع هاد لوزير. غدا غادي يفرض فضايح كبيرة باسم الوطنية ومصالح الوطن العليا على الصحف. غادي يسيء لبلاد دارت مجهود رائع باش تحمي ناسها من “كورونا فيروس”. غادي يدخل فالاشهارات. غادي يدخل فالدعم. ها حنا قلناها. بينا وبينكم ليام

موضوعات أخرى