گود سبور- الميريكان//

يواصل الدولي المغربي ياسين بونو التألق مع الهلال السعودي، وعتقو تاني من الخسران مع سالزبورگ النمساوي، يوم الاحد 22 يونيو فواشنطن الميريكانية.

وسالا الماتش بين الهلال وسالزبورگ بنتيجة التعادل السلبي زيرو لزيرو بين الفريقين، وخلقو سالزبورگ فرص خطيرة على الهلال وكثيرة ونجح ياسين بنو وحبس 6 ديال الكواري على الأقل كانو غايماركيوهم، مع العلم أن بونو تألق حتى فالماتش الأول ديال الهلال اللي كان مع ريال مدريد الإسباني برسم الجولة الأولى.

وخد ياسين بونو بعد التأهل ديالو فهذا الماتش جائزة رجل المباراة، ومحتلين الهلال المركز الثالث فالگروب 8 برصيد 2 نقاط، ورا ريال مدريد المتصدر برصيد 4 نقاط، وسالازبورگ اللي عندهم نفس الرصيد، وباتشوكا المكسيكيين محتلين المركز الأخير برصيد 0 نقطة.