الرئيسية > آش واقع > كيفاش كيضرب المدير الجهوي للصحة فالعيون قانون الوصول للمعلومة وساهم فنشر الإشاعة وتهديد السلم الإجتماعي
24/06/2020 14:11 آش واقع

كيفاش كيضرب المدير الجهوي للصحة فالعيون قانون الوصول للمعلومة وساهم فنشر الإشاعة وتهديد السلم الإجتماعي

كيفاش كيضرب المدير الجهوي للصحة فالعيون قانون الوصول للمعلومة وساهم فنشر الإشاعة وتهديد السلم الإجتماعي

الوالي الزاز -كود- العيون ////

[email protected]

المدير الجهوي للصحة فجهة العيون الساقية الحمراء، علي الهواري، ضارب الطم على المعطيات لي كاينة بخصوص الحالة الوبائية ديال الجهة، وناقض التعليمات ديال الوزارة بخصوص الرصد الوبائي للجهة.

هاد السيد لي جاي من إقليم بوجدور -غادي نرجعو لديك الفترة-  من صبيحة الثلاثاء ساكت وما باغيش يهدر ولا يعطي أي معطى أو تصريح بخصوص الحالة الوبائية ديال الجهة، الشيء لي زاد ساهم فنشر فالإشاعة والمغالطات وخلا ساكنة الجهة حايرة من عند من تاخد المعلومة الصحيحة، وزاد هدد السلم والأمن الإجتماعي بالجهة وخلا الكل تالف ما عارفش حقيقة ما يدور.

“كود” حاولات أكثر من 100 مرة الإتصال دون تلقي أي جواب من عندو وفاش جاوب قال بالخرف “ما غاديش نعطي تصريح ولا أي معلومة وما تبقاوش تتاصلو بيا”، هاد لكلام لي قال هاد السيد مولاه مكلخ ويحجب المعلومة وضرب قانون شرعو المشرع المغرب لي هو قانون الوصول للمعلومة.

هادشي لي دار هاد المدير الجهوي فسح المجال أمام صفحات فيسبوكية ومدونين وصفحات مجهولة الهوية تدير لي بغات بخصوص الحالة الوبائية وتخلع المواطن العادي وتزيد توتر الأجواء.

موضوعات أخرى

16/07/2020 10:30

سكوب. “كود” تقدم بدليل ما يؤكد أن رواية الداخلية حول إعفاء عامل آنفا ماشداش. تنشر وثائق تكشف حقائق جديدة تثبت أن «التضحية» بعفيرات ما عندو علاقة لا بفيلا «مونفيليي» ولا بقضية «إفراغ» مكتب محامي لي ناض عليها صداع كبير =وثائق