الرئيسية > آش واقع > كيفاش كايستهبل اردوگان اتباعه العرب فقضية ايا صوفيا
11/07/2020 18:45 آش واقع

كيفاش كايستهبل اردوگان اتباعه العرب فقضية ايا صوفيا

كيفاش كايستهبل اردوگان اتباعه العرب فقضية ايا صوفيا

كود كازا//

القرار التركي بتحويل معلمة ايا صوفيا لمسجد بعدما كانت متحف وكنيسة سابقا..مزال كايشعل النقاشات بين مؤيدي اردوغان ومعارضيه..وهاد النقاش بطبيعة الحال وصل حتى للمغرب.

بعض الناس باركو هاد الخطوة واعتبروها تصحيح للوضع بينما الاخرين اعتبروها استغلال سياسي لمعلمة اثرية داخلة ف التراث الانساني.

ولكن المثير ف هادشي هو كيفاش تعاملات الرياسة التركية ف اعلان هاد القرار: تعامل فيه نفاق واستهبال للعرب والمسلمين، كما توضح الصورة ف حساب تويتر لاردوغان بالعربية كان متجذر وشاعل واعلن ان القرار جا نصرة للمسلمين والمسجد الأقصى وبزاف د الهضرة العاطفية ومن جانب اخر كونت تويتر بالانجليزية اعلن ان ايا صوفيا غادي تبقا ديما مفتوحة لجميع الاديان و ان القرار ماغاديش يأثر على كونها متحف وكنيسة وغيرها من الكلام المتسامح الموجه للغرب.

كالعادة يتضح ان التركيين فعلا واعيين بشعبية اردوغان عند العرب وبغاو يقدموه كزعيم مسلم وداكشي علاش كايستعملو الخطاب العاطفي اللي لايتماشى مع مواقف تركيا الفعلية ويتناقض معها فيما يخص مصالح المسلمين والعرب براسهم بدءا بالاعتراف باسرائيل وعضوية الناتو والتورط ف حروب مع الكورد والسوريين و الليبيين وغيرها.

موضوعات أخرى

08/08/2020 20:30

حصيلة كورونا فالأقاليم والجهات: كازا هي اللولة فعدد الإصابات اليومية والوفيات.. وجهة درعة فاتت جهة العيون فالطوطال ديال الحالات