الرئيسية > آش واقع > كيفاش فشلنا نجيبو الڤاكسان الصيني؟ باراكا ما تحطو غير على وزير الصحة اللي فاشل. راه بوريطة مسؤوليتو كبيرة. سفيرنا فبيكين مريض ووزير الخارجية مكلف صاحبو الانصاري يدير المفاوضات
21/01/2021 10:30 آش واقع

كيفاش فشلنا نجيبو الڤاكسان الصيني؟ باراكا ما تحطو غير على وزير الصحة اللي فاشل. راه بوريطة مسؤوليتو كبيرة. سفيرنا فبيكين مريض ووزير الخارجية مكلف صاحبو الانصاري يدير المفاوضات

كيفاش فشلنا نجيبو الڤاكسان الصيني؟  باراكا ما تحطو غير على وزير الصحة اللي فاشل. راه بوريطة مسؤوليتو كبيرة. سفيرنا فبيكين مريض ووزير الخارجية مكلف صاحبو الانصاري يدير المفاوضات

كود احمد الطيب ////

مداخلة رئيس الفريق الاستقلالي فمجلس المستشارين عبد السلام اللبار لمناقشة كلمة رئيس الحكومة للي دارها على “الاستراتيجية الوطنية للتلقيح ضد وباء كورونا” الثلاث 19 يناير 2021 ٬ ركزات فانتقادها على وزير الصحة وعلى رئيس الحكومة.

انتقادو عندو علاش غير هو ما هدرش على وزارة لعبات دور كبير فعدم توصل المغرب باللقاح الصيني. كنهدرو غير على الصيني٬ وهي وزارة الخارجية والتعاون وبالضبط تدبير وزيرها ناصر بوريطة. من نهار بان لخبار على التجارب السريرية تدار فبلادنا وهو اللي كيخرج بتصريحات. كلشي راه كاين فالارشيف. كان كيبان بوحدو ومانع على وزير الصحة يدير شي تصريح على كل ما عندو علاقة بالصين

مسؤوليتو كبيرة بزاف فعدم وصول اللقاح الصيني. من غير الفشل٬ فحتى سفيرنا فالصين ما خدامش. فحسب ما علمته “كود” فان عزيز مكوار سفير المغرب في بيكين مريض بزاف. الزغبي كانت ضرباتو كورونا وكانت عندو مشاكل صحية والوضعية تكفسات. يعني انو ما عندناش سفير فالصين كاع. بوريطة عوض ما يدير شي حاجة باش يغير السفير٬ دفع بصاحبو عبد القادر الانصاري مدير الشؤون الاسيوية هو اللي يفاوض الشينوا. يعني اللي مكلف بهاد الشي ديال اللقاح واحد كاين فالرباط وكيمشي مرة مرة للصين. باش توصل لهاد لبلاد خاصك تبقى معزول 14 يوم. وتصورو اش من خدمة يقدر يديرها شي ديبلوماسي اللي ماشي شي كاليبر كبير. بوريطة حاطو تماك حقاش هاد الانصاري كان كيعطف على بوريطة ايام الزلطة اللي عاشها.

دابا هاد بوريطة كيوجدو يكون سفير فالصين بحال ما كيدير مع كاع اللي تابعين ليه او دارو فيه شي خير واخا يكون غير يطيبو ليه سباگيتي بحال كيف كان كيدير محمد عروشي اللي كافئو بمندوب المغرب لدى الاتحاد الافريقي.

موضوعات أخرى

24/02/2021 21:30

السلالة البريطانية الجديدة مامعاها لعب. الطبيب حمضي كيطلب المغاربة باش يواجهوها بالوقاية والتباعد.. كتقتل كثر من الفيروس العادي ب35 فالمية وممكن تبلوكي المنظومة الصحية فأسابيع قليلة