الرئيسية > آش واقع > كيفاش غيكون التعويض على خسائر فيضانات.. خبير شرح كلشي عبر “كود”: خاص المعنيين يتقيدو فسجل إحصاء المتضررين ويقيمو الخسائر قبل ما يخرج مرسوم حكومي كيحدد الوقائع باعتبارها “كارثة طبيعية”.. واللي عندو لاسيرانس كتخلص على الفيضانات يمكن ياخد التعويض فالبلاصة بلا مايتسنى المرسوم
12/01/2021 13:30 آش واقع

كيفاش غيكون التعويض على خسائر فيضانات.. خبير شرح كلشي عبر “كود”: خاص المعنيين يتقيدو فسجل إحصاء المتضررين ويقيمو الخسائر قبل ما يخرج مرسوم حكومي كيحدد الوقائع باعتبارها “كارثة طبيعية”.. واللي عندو لاسيرانس كتخلص على الفيضانات يمكن ياخد التعويض فالبلاصة بلا مايتسنى المرسوم

كيفاش غيكون التعويض على خسائر فيضانات.. خبير شرح كلشي عبر “كود”: خاص المعنيين يتقيدو فسجل إحصاء المتضررين ويقيمو الخسائر قبل ما يخرج مرسوم حكومي كيحدد الوقائع باعتبارها “كارثة طبيعية”.. واللي عندو لاسيرانس كتخلص على الفيضانات يمكن ياخد التعويض فالبلاصة بلا مايتسنى المرسوم

عفراء علوي محمدي – كود//

شرح رشيد الطاوسي، نائب رئيس الاتحاد المغربي لوكلاء ووسطاء التأمين بالمغرب، كيفاش ممكن للمتضررين من الفيضانات، اللي عرفاتها مجموعة من مناطق البلاد فالأيام القليلة اللي فاتت، يستفدو من التعويض على الخسائر اللي لحقات ديورهم او محلاتهم أو طوموبيلاتهم.

وكشف الطاوسي، فتصريح خص بيه “كود”، أن المواطنين المتضررين غياخدو التعويض حسب وضعيتهم الاجتماعية، وواش مخلصين التأمين أو لا، من جهة عبر صندوق التضامن ضد الوقائع الكارثية، ومن جهة أخرى عبر تعويض الوقائع الكارثية، إلى كانو مخلصين التأمين، وكذلك كيمكن لفئة ثالثة تستفد من تعويض مباشر من وكالة التأمين ديالها، إلى شمن الكونترا اللي عندها معاها بند “الفيضانات” و”ارتفاع منسوب المياه”.

بالنسبة للاستفادة من صندوق الكوارث الطبيعية، شرح الخبير فالتأمينات أن هذشي ماغاديش يكون لكلشي، بحيث هذ الصندوق، اللي تدار هذي أربع سنوات في الحكومة السابقة، بمقتضيات القانون رقم 14.110، “كيتدخل لتعويض الفئات الهشة التي لا تملك تأمينات نظرا لوضعيتها الاجتماعية”.

أما الناس لخرى اللي عندهم تأمين دالسيارات او دالسكن أو المحلات التجارية ديالهم، فهذ الناس، حسب الطاوسي، صبح بإمكانهم، من يناير 2020، الاستفادة من تعويضات في حالة كانو ضحايا وقائع كارثية، وهذ الوقائع حددها القانون باعتبارها زلزال، أو فيضان، أو ارتفاع منسوب المياه، أو ارتفاع المد البحري “تسونامي”، بالإضافة للأعمال الإرهابية والفتن والاضطرابات الشعبية، وخاصهوم يتصلو بشركات التأمين لعمل خبرة على الخسائر ديالهم، لتحديد هذ الخسائر، ولتقييمها.

لكن باش يستفدو هذ الفئات بجوج، كيلزم أولا، حسب الطاوسي، يتم تصنف هذ الأحداث اللي عرفاتها بلادها على أنها وقائع كارثية événements catastrophiques، وهذ الأحداث عندهم واحد التصنيف، كتكون حدة وخسائر باهضة، وماكيمكنش الإنسان يتحكم فيها أو يحد من الخطورة ديالها، وهذ التصنيف كيكون بموجب مرسوم كيصدر عن رئيس الحكومة، باش يقدر الصندوق ديال الكوارث الطبيعية يتدخل ويفعل المهام اللي تخولات ليه فالتأسيس ديالو لتعويض هذ الفئات الهشة اللي ماعندهاش كونطرا ديال التأمين، نظرا لوضعيتها الاجتماعية والمادية، وباش يمكن للي عندهم لاسيرانس يتصلو بشركات التأمين من أجل التعويض.

لكن كاينة فئة ثالثة اللي كيمكن تاخد التعويض بلا ماتتسنى نرسوم الحكومة، وهي اللي عندها فكونطرا التأمين ضمانة كتسمى ضمانات الفيضانات، “إلى كانت هذ الضمانة موجودة فالعقد، كيمكن المؤمن اللي عندو الكونترا داسيرونس يطلب مباشرة التعويض من الشركة ديالو ديال التأمين بلا مايتسنى صدور المرسوم اللي كيصنف الاحداث على انها وقائع كارثية، وهذ الضمانة بإمكانها تعوض المؤمنين ضد الفيضانات”، على حساب هضرة خبير التأمينات.

وذكر الخبير أن جميع الضحايا خاصهم يتقيدو فسجل إحصاء ضحايا الوقائع الكارثية اللي غيكون مفتوح لدى وزارة الداخلية، ويكون داير تقييم الخسائر ديالو باش يقدر يطلب التعويض.

وللإشارة، فكان سبق لصندوق التضامن ضد الوقائع الكارثية علن أنه مستعد لتعويض المتضررين من الفئات الهشة، لكن هذشي في حالة ما تصنفات هذ الأحداث على أنها وقائع كارثية بموجب مرسوم صادر عن رئيس الحكومة.

موضوعات أخرى

21/01/2021 10:30

كيفاش فشلنا نجيبو الڤاكسان الصيني؟ باراكا ما تحطو غير على وزير الصحة اللي فاشل. راه بوريطة مسؤوليتو كبيرة. سفيرنا فبيكين مريض ووزير الخارجية مكلف صاحبو الانصاري يدير المفاوضات

21/01/2021 10:00

بالفيديو. أفيخاي أدرعي فحوار مع نوستيك: مراتي من أصول مغربية من سبتة وكَاع الإسرائليين فرحو بالتطبيع.. ومايمكنش نتكلم على تحالف عسكري مع المغرب فقضية الصحراء حيت هذي أمور سياسية مادخليش فيها

21/01/2021 09:45

البوليساريو بدات بالفايك نيوز. راه “حذف اعلان الاعتراف الأمريكي بمغربية الصحرا” كذوب. الاعلان مازال منشور وها القصة

21/01/2021 09:30

ترحيل الزفزافي و صاحبو من حبس “طنجة 2”.. مندوبية السجون: صيفطناهوم لحباسات آخرين بسباب المخالفات الكثيرة لّي داروها

21/01/2021 08:50

ريزو ديال التهريب الدولي للمخدرات والقرقوبي طاح فالرشيدية البارح.. حجز طوموبيلات وكميات كبيرة ديال الحشيش – تصويرة