كود ابيدجان ///

شوهد لثلاث 14 ابريل ولاربعا 15 ابريل 2026 سفير المغرب السابق فالكوت ديفوار عبد المالك الكتاني فالعاصمة ابيدجان. السفير السابق قلبها بيزنس ودار مكتب استشارة ولكن عوض يخدم فبلادو رجع فين كان سفير.

هاد الديبلوماسي الفاشل الا فالبيزنس كيضر بخدمة السفير الحالي عثمان فردوس. السيد ملهوط على لفلوس وما كتهمو الا مصالحو.

“كود” شافتو كيدور فاوطيل “سوفيتل ايڤوار”.

اخلاقيا ما يمكنش لسفير كان فبلاصة يرجع يدير فيها الكونسولتين. علاش؟ لانو كان سفير بلاد ماشي رجل اعمال. ثم خاصو يبعد من الدولة اللي خدم فيها. راه كيسيء للديبلوماسية المغربية. سفير المغرب السابق او صديق اللبنانيين كيف كيسميوه عدد من مغاربة ابيدجان، طلع كيشبه لناس بلاد الارز. ما كاين غير التجارة

مع هاد بوريطة وزير الخارجية كنشوفو لعجب. كيفاش الدولة باجهزتها تسمح لسفيرها السابق يقلبها بيزنس. هاد خايبة بزاف. خاص يكون ميثاق اخلاقي يمنع هاد التخربيق