كود -وكالات //

بزاف د العيالات كيبغيو يرجعو للون بشرتهم الطبيعي بعد الصيف، والحل ما محتاجش كريمات غالية، الحل عندك سيدتي فالكوزينة بمواد طبيعية وآمنة، باش تخلصي من ديك التشويطة، السر هو تداومي على مكونات كتقشر الخلايا الميتة وتفتح التصبغات بلا ما تضر الجلد.

مطيشة والحامض كيتعبرو من أقوى المبيضات الطبيعية؛ مطيشة كتحيد البرونزاج بفضل مضادات الأكسدة اللي فيها، والحامض غني بفيتامين C اللي كيقشر التصبغات دغيا (غير هو بعدي عليه إلا كانت بشرتك حساسة وللا ناشفة).

كيف تقدري ديري حتى ماسك ديال الخرقوم البلدي مع دانون مسوس، هاد الوصفة سحرية حيت الخرقوم كيوحد اللون ودانون كيرطب البشرة ف نفس الوقت، وما تنسايش النشا وما ورد اللي كيعطيو تبييض فوري وكيبردو الجلد من بعد الصهد د الشمس.

أهم حاجة ف هاد الروتين هي المداومة، وحاولي ديما تطبقي هاد الوصفات فالليل بعيد على أشعة الشمس.

ومع الترطيب اليومي وشرب الما، غادي تلاحظي باللي بشرتك بدات كتفتح وترجع لنضارتها الطبيعية فأيام قليلة.