الرئيسية > ميديا وثقافة > كيفاش تبوردو علينا صحافيو الصبليون . شكون يحاسب المسؤولين على تنظيم ندوة سانشيث بالرباط؟ واش المكلفين بالتواصل فالقصر هما للي قصاو لمغاربة ولا وزارة الاتصال
24/02/2024 11:00 ميديا وثقافة

كيفاش تبوردو علينا صحافيو الصبليون . شكون يحاسب المسؤولين على تنظيم ندوة سانشيث بالرباط؟ واش المكلفين بالتواصل فالقصر هما للي قصاو لمغاربة ولا وزارة الاتصال

كيفاش تبوردو علينا صحافيو الصبليون . شكون يحاسب المسؤولين على تنظيم ندوة سانشيث بالرباط؟ واش المكلفين بالتواصل فالقصر هما للي قصاو لمغاربة ولا وزارة الاتصال

احمد الطيب كود الرباط ///

نرجعو لزيارة رئيس الحكومة الاسباني بيدرو سانشيث للرباط لاربعا اللي فاتت =21 فبراير 2024. زيارة سريعة. كان عليها تكثم خاصة فواش غادي يستقبلو الملك محمد السادس ولا للا. المهم من الجانب الصبليوني كانت لخبار متوفرة فاسثتناء تأكيد استقبالو من قبل الملك. فالجانب المغربي كان احتقار تام واهانة كبيرة للرأي العام. ما خبرو الصحافيين بالزيارة ما هدرو معاهم. كلشي سكوتي باستثناء صحاب الانشطة الملكية اللي قالو ليهم وجدو ريوسكم وزادو عليهم صحافيين جوج.

ف”كود” كنا نتوصلو بكل التفاصيل من الصحافيين الاسبان اللي استغربو كيفاش مسؤولي بلادنا مهمشين الصحافة ومغيبين عليها لخبارات. 30 صحافي جا لتغطية الحدث من الصبليون. كلهم كانت عندهم معطيات وبريفين على كل لقاء لقاء.

عرفنا عن طريق الصبليون اش دار بين سانشيث واخنوش. عرفنا عن طريق الصبليون =مصادر ديبلوماسية= اش دار بين محمد السادس ورئيس الحكومة الاسباني. عرفنا عن طريق الصبليون٬ باللي الملك هدر بالصبليونية وسول على الملك والملك. طبعا كانت امور غايبة علينا وعليهم بخصوص مواضيع بحال الديوانة فسبتة ومليلية. واش تجبدات ولا للا. وآش تقال فيها.

من بعد جات ندوة سانشيث الصحافية. هادي كانت شوهة كبيرة لينا. للمغرب. لاحتقار السلطات المحلية للمغاربة، لاعلامهم. كشفات “الزنقة 20” باللي الوفد الاعلامي الصبليوني حط شروط على لمغاربة وسط لمغرب ونفذوها لمغاربة. ركبو فكار بوحدهم. ما بغاوش لمغاربة يركبو معاهم. عندهم الصح. الكار وجداتو سفارة بلادهم فالرباط علاش يركبو فيه صحافيين بلادهم محتقراهم.

ماشي غير الكار اللي فيه اهانة لينا. حتى فالاسئلة. وفق نفس المصدر الاعلامي٬ الاعلام الصبليوني رفض لمغاربة يطرحو اسئلة. كان سؤال واحد على الصحرا طرحاتو صحافية القسم الاسباني فالتلفزيون المغربي “الاولى”.

فهادي الصحافيين الاسبان طبقو ميثاق معروف فهاد النوع من الندوات. باش كيكون وزير مغربي واخر اسباني كيتافقو الصحافيين ديال الدولتين باش كل جهة تطرح 3 او 4 اسئلة. مثلا يتافقو لمغاربة على 4 صحافيين يطرحو 4 اسئلة والصبليون يتافقو مع ريوسهم على نفس القضية. لكن فندوة سانشيث كان غير رئيس حكومتهم. هاد الشي علاش ما خلاوش لمغاربة يسولو الا سؤال واحد مقابل كثر من 10 للاسبان اللي رفضو حتى يطرحو سؤال كيهم اسباب الزيارة بسبب غياب رئيس الحكومة المغربي.

هاد الشي معروف. دابا شكون يتحمل هاد المسؤولية؟ وزارة الاتصال كيقولو راه تنظيم ناس التواصل فالقصر. هادو كيقولو ما عندهم علاقة.
خاص محاسبة الجهة اللي تسببات فهاد الشوهة.

ممكن الصحافيون لمغاربة ياخدو اشكال احتجاجية ضد هاد التحقير. شفنا مسؤولين فوزارة الاتصال مريحين فبلاصة الصحافيين لمغاربة. هادي راها شوهة كبيرة وخاص يتحاسب عليها بنسعيد وزير الاتصال

موضوعات أخرى

22/04/2024 13:30

تفاصيل حصرية على الشبكة اللي كيتزعمها “سوري” وكانت باغية تحرك بنات من فاس لدول الخليج لاستغلالهن فالدعارة: المتهم الرئيسي كان كيدير راسو خليجي وكيدير مقابلات مع الضحايا

22/04/2024 13:18

طيحاتهم جوائز نقدية “وهمية”.. انطلاق محاكمة شبكة للنصب بين فاس وتازة وكرسيف: ها التهم اللي وجهات ليهم النيابة العامة

22/04/2024 13:10

إسبانيا ضيف شرف معرض الفلاحة بالمغرب وبلاناس أكد أن هاد الشي كيشهد على العلاقات الزوينة بين الرباط ومدريد

22/04/2024 12:50

مرصد: الحكومة فـ3 سنين وسعات الاستفادة من التعويضات العائلية لـ5 مليون طفل وعبأت كثر من 40 مليار درهم للحماية الاجتماعية لـ22 مليون مغربي‏

22/04/2024 12:25

وهبي أمام منتدى وزراء العدل للدول الإفريقية الأطلسية: بلادنا ملتزمة بتعزيز تعاونها التقني والقضائي