الرئيسية > ميديا وثقافة > كيفاش بنموسى بدا خدمتو: لقاء الصحافيين باش يلمع صورتو .. ومخاوف من السقوط فأخطاء القانون الاطار
09/12/2019 11:00 ميديا وثقافة

كيفاش بنموسى بدا خدمتو: لقاء الصحافيين باش يلمع صورتو .. ومخاوف من السقوط فأخطاء القانون الاطار

كيفاش بنموسى بدا خدمتو: لقاء الصحافيين باش يلمع صورتو .. ومخاوف من السقوط فأخطاء القانون الاطار

كود الرباط//

البارح شكيب بنموشي الرئيس الجديد للجنة النموذج التنموي، دار لقاء صحافي ف دارو، باش يمرر رسائل ماشي باش يكون حوار ونقاش وطرح اسئلة عليه،

شوهة ديال هاد اللقاء هو ان بنموسى جاب بعقلية تقنية باغي فقط يقول راه غانديرو خدمة مزيانة وغايكون نموذج جريء، لكن نسا بلي هاد النموذج مغاديش طبقو هاد الحكومة وتا الحكومة الجايا موحال بحكم أنه المغرب على بعد سنة ونصف فقط من الانتخابات التشريعية ديال 2021.

مصادر حزبية كشفت ل”كود” عن وجود تخوفات من فشل لجنة النموذج التنموي، خصوصا وأن الهاجس الانتخابي سيحاصر عمل اللجنة التي ستعطي تقييما للاستراتيجية الكبرى وتعطي جواب على فشل النموذج السابق (المخططات الحكومية، الاستراتيجيات الكبرى..التوجهات المالية..).. هاد التقييم غايكون اثره ماشي ساهل على الوضعية السياسية.

كما أن اللجنة مغاتساليش عملها تا ندخلو ف السنة الانتخابية، 2020 غاتكون سنة انتخابية بامتياز بحيث ان السرعة ديال التنافس غاتزاد بين الاحزاب.

مصادر حزبية قالت بلي كاينا تخوفات من السقوط في نفس اخطاء القانون الاطار، لي جابتو حكومة بنكيران وتبدل مع حكومة العثماني.

بحال هاد اللقاءات لي كيديرو بعض المسؤولين وكيختارو عينة معينة من الصحافيين، كتكون فاشلة والدليل انها كتكون موجهة وما فيهاش الخبر بقدر ما فيها رسائل كيبغي المسؤول يدوزها.

بنموسى قال في اللقاء بأن “النموذج التنموي الجديد سيتسم بالجرأة، وسيسعى ليخلص إلى نتائج بمثابة عقد اجتماعي جديد مع المواطنين، مبرزا أن اللجنة ستعتمد المشاركة الواسعة لمختلف الآليات الممكنة بتنسيق مع الحكومة، والباطرونا، والأحزاب، والنقابات، والمؤسسات العمومية وحتى الفايسبوك”.

 

موضوعات أخرى

05/12/2020 19:30

منظمة الصحة العالمية : خاص الڤاكسان ضد “كورونا” يوصل لجميع الناس فكل البلدان فالعالم .. و”نظرية المؤامرة” كتساهم فانتشار الفيروس