الرئيسية > آش واقع > كيفاش بنت لعرايش ولات ضد بلادها. مرات ولد البرلماني السابق فكاتالونيا ومدريد محمد الشايب كتدعم البوليساريو كتهاجم المغرب وها باش ردو عليها
17/11/2020 11:00 آش واقع

كيفاش بنت لعرايش ولات ضد بلادها. مرات ولد البرلماني السابق فكاتالونيا ومدريد محمد الشايب كتدعم البوليساريو كتهاجم المغرب وها باش ردو عليها

كيفاش بنت لعرايش ولات ضد بلادها. مرات ولد البرلماني السابق فكاتالونيا ومدريد محمد الشايب كتدعم البوليساريو كتهاجم المغرب وها باش ردو عليها

كريم الشركي-كود///

حرب كبيرة فالصبليون بين اسبانيين من اصول مغربية. شي وحدين كيعتاقدو انك ايلى دافعتي على البوليساريو غادي تكون مواطن صالح فهاد البلاد. أي واحد كيدافع على البوليساريو كتعتابرو الطبقة المثقفة ديالهم أنه مناضل، ديكشي علاش كتلقى بزاف ديال الفنانين والصحافيين ومشاهير اسبانيا كيستغلوا هاد القضية، ومنهم خابيير بارديم الممثل الاسباني.

هادشي شجع واحد المغربية سميتها مريم حاطيبي، كانت ناطقة باسم مؤسسة ابن بطوطة فكتالونيا اللي كيرأسها نسيبها محمد الشايب البرلماني السابق في البرلمان الاسباني. ولد الشايب مزوج بهاد المناضلة ديال الساعة 25.

هادي اللي تزادت فالعرايش وولات ناطقة باسم الريف وباسم الصحراء٬ تشجعات تا هي تركب على القضية باش ترجع مشهورة، وحسب وسائل اعلام اسبانيا أنها كتستغل هادشي باش تدخل لبوديموس ودير البوز.

السيدة قالت بأن الشعب الصحراوي كيعيش مأساة، وهاجمت المغرب، ودعمات البوليساريو، هادشي خلا الجالية المغربية فطتالونيا تهاجمها بشكل كبير، وعتابروها وصولية، وغير باغية الشهرة، ومايمكنش تكون هادي ممثلة للجالية المغربية كيف كتقدم راسها.
السيدة كادير آراء لي ديما تخليها محبوبة من الرأي العام الاسباني، يعني الأمر ماعندوش علاقة بقناعة تحديد مصير الشعوب أو شي حاجة بحال هكا، ديكشي علاش هاد السيدة بلعات لسانها بشكل تام فقضية استقلال كتالونيا، بل كانت كتدعم اسبانيا ووحدتها.

بعد ما هاجموها مغاربة مناضلين فاحزاب انفصالية فكاتالونيا ولكن مع مغربية الصحراء٬ ناضت دارت بيان اخر اكثر حقارة فيه باللي كمغربية باغية تعيش فالسلم ولكن ما عتاذراتش على حتى كلمة قالتها ضد بلادها. هي عارفة باللي ما عندها قيمة الا اذا كان عندها شي حضور عند لمغاربة من اصول اسبانية. باغية ترشح للانتخابات ولا شي تخربيقة ولكن تحتاج اصوات هاد لمغاربة لهاد السبب دارت اعتذار اللي هو فالحقيقة تأكيد لكلامها. هادي مريم حاطيبي قطعات مع للي من اصول مغربية وعندهم الجنسية الاسبانية.

موضوعات أخرى

27/11/2020 16:30

تحليل: وزير الخارجية الجزائري رجع من نيجيريا خاوي الوفاض..وأبوجا رفضات تعطي موقف لصالح البوليساريو وها اشنو دار المغرب لمساعدة نيجيريا على تحقيق الأمن الغذائي

27/11/2020 15:00

و عاوتاني غانرجعو ناقشو واش تجوز الرحمة على مارادونا و لا لا ؟ آ سيدي لا تجوز عليه الرحمة غي هنينا! و رحمتك سير بخر بيها بصحتك! مارادونا مرحوم بحب الناس ليه و بالشهرة ديالو و بالنجاح لي حققو فحياتو! نتا لي ماشي كافر و غانترحمو عليك فاش تموت آش حققتي ؟

27/11/2020 14:30

حوار خاص.. فرحات مهني رئيس حكومة القبايل بالمنفى لـ”كود”: اشتركنا مع المغرب في مقاومة الاحتلال العثماني والفرنسي ونطالب من المملكة المغربية الدعم الدبلوماسي

27/11/2020 14:20

الطفل الزيلاشي اللي كان غابر من الأحد الفايت. البحر لاح الجثة ديالو وتحقيق النيابة العامة هو اللي غادي يبين اش وقع ليه

27/11/2020 14:00

تقرير مندوبية التخطيط بين أن المرا خاسرة بزاف بشكل مباشر أو غير مباشر بسباب العنف.. من غير الطبيب والقضاء كضيع خدمتها وصاليرها وقرايت ولادها باش تفك على خير

27/11/2020 13:30

أكذوبة القصف ديال البوليساريو..بنعبد الله لـ”كود”: مشينا على رجلينا بين معبر الگرگرات والحدود الموريتانية بلا حراسة وما مسعمنا لا قذائف ولا والو..كاين غير الأمان والهدوء