كود سبور//
ما غايقدرش فريق مولودية وجدة يلعب الماتش ديالو ضد الوداد الفاسي، السبت الجاي برسم منافسات بطولة القسم الثاني، فالملعب الشرفي لوجدة حيث التيران ما واجدش، واخا يلعب فيه المنتخب المغربي قبل يومين 2 ماتشات.
واضطر المسؤولون ديال مولودية وجدة لاتخاذ قرار استقبال الوداد الفاسي برسم الجولة 3 من بطولة القسم الثاني فتيران آخر، وحسب المولودية الوجدية غايلعبو بملعب أنجاد لازاري، حيث أرضية الملعب الشرفي لوجدة غير جاهزة.
وكان المنتخب الوطني المغربي لعب ضد إفريقيا الوسطى السبت اللي فات ماتش برسم الجولة الثالثة من إقصائيات كأس إفريقيا 2025، وماتش الثلاثاء اللي فات برسم الجولة الرابعة من نفس منافسات ضد نفس الخصم، وكانت أرضية الملعب كاتبان مزيانة، وخضع الملعب للإصلاحات قبل ماتشات المنتخب المغربي بجوج.
