كود الرباط//
فلول ديال 2023، الحكومة كاتقول بلي تعتزم خلال مشروع قانون المالية لسنة 2023، تقديم مساعدات مالية مباشرة للمقبلين على اقتناء السكن، خاصة منهم الأسر حديثة التكوين والشباب المقبل على الزواج.
دبا هاد شهر أكتوبر، ومزال هاد الدعم مخرجش، بحيث ان الوزيرة المكلفة بقطاع السكنى والتعمير فاطمة الزهراء المنصوري، مقدرتش تخرج المرسوم فوقت وجيز، تعطلات بزاف بزاف.
دبا اليوم تعلن على البرنامج ديال المجلس الحكومي المقبل، فيه “المجلس سيتدارس إثر ذلك ثلاثة مشاريع مراسيم، يتعلق الأول منها بتحديد أشكال إعانة الدولة لدعم السكن وكيفيات منحها لفائدة مقتني مساكن مخصصة للسكن الرئيسي، فيما يتعلق الثاني بالوقاية من خطر الحيوانات ومكافحته في المطارات والمناطق المجاورة لها، في حين يتعلق مشروع المرسوم الثالث بإحداث “جائزة المغرب للشباب””.
دعم السكن، مبقاش فـ2023، دبا ولى فـ2024، وفق نص المرسوم.
المرسوم كيقول بلي من المرتقب أن يستفيد المغاربة الراغبون في اقتناء سكن رئيسي من مبالغ مالية تتراوح بين 50 ألف درهم و70 ألف درهم، ابتداء من فاتح يناير 2024.
50 ألف درهم بالنسبة لي غادين يشريو سكن فايت 300 ألف درهم ويقل عن 700 ألف درهم، وبالنسبة لي غايتعطا ليهم دعم 70 ألف درهم اللي غادين يشريو سكن ثمنه أفل عن 300 ألف درهم أو يعادلها. في المقابل كاين امتياز للنساء الأرامل بحيث غايتزاد ليهم 10 ألف دهم فالشراء.
