الرئيسية > آش واقع > كيفاش المغرب ساد الحدود مع أوروبا وفاتح مع الهند اللي جاعر فيها الفيروس؟.. ها شنو دارت السلطات مع الناس اللي جايين من الخليج
06/05/2021 14:20 آش واقع

كيفاش المغرب ساد الحدود مع أوروبا وفاتح مع الهند اللي جاعر فيها الفيروس؟.. ها شنو دارت السلطات مع الناس اللي جايين من الخليج

كيفاش المغرب ساد الحدود مع أوروبا وفاتح مع الهند اللي جاعر فيها الفيروس؟.. ها شنو دارت السلطات مع الناس اللي جايين من الخليج

كود – أحمد الطيب – الرباط //

هادي أسابيع والمغرب ساد الحدود ديالو مع عدد من الدول الأوروبية بسبب ظهور سلالات متحورة لفيروس “كورونا”. وخا هادشي غادي يزيد يدكَدكَ الاقتصاد الوطني لكن الأهم نبقاو سالمين من هاد الموصيبة.

نرجعو للسلالات المتحورة، فحسب أرقام رسمية رجعات الهند دبا بلاد منكوبة بسباب فيروس كورونا وتجاوزات فيها الإصابات 20 مليون حالة. يعني دبا الهند هي الدولة الأولى ف العالم اللي منتاشر فيها الوباء بشكل خايب و مميت. لكن المغرب مزال فاتح الحدود معاها. و مامعروفش علاش؟.

البارح الأربعاء أعلن المكتب الوطني للمطارات، عن عدد من الإجراءات خاصة بالمسافرين اللي جايين للمغرب من بعض الوجهات الخليجية خاصة دبي، وأبو ظبي (الإمارات)، والدوحة (قطر)، والمنامة (البحرين).

https://www.facebook.com/OFFICENATIONALDESAEROPORTS/photos/a.124405854838032/842100046401939/?type=3

هاد الدول، بطبيعة الحال، كيدوزو الناس اللي جايين من الهند للمغرب، كيديرو ليسكال فيها عاد يكملو لبلادنا.

السلطات المغربية فرضات على هاد الفئة من المسافرين الإدلاء فقط بنتائج سلبية لفحص كوفيد-19 “PCR” لا يتجاوز تاريخها 72 ساعة.

موضوعات أخرى