الرئيسية > آراء > كيفاش المتطرف الكتاني لي كان محكوم عليه بعشرين عام مورا أحداث سطاش ماي الارهابية! خرج عاوتاني باش ينشر افكارو المتطرفة و تجرأ يقول على اللقاح أنه “خطير” ! واش نتا آ الكتاني جينيتيسيان ؟ ميكروبيولوجيست ؟! عندك شي لابوراطوار فالڤيلا ديالك ؟
22/10/2021 18:00 آراء

كيفاش المتطرف الكتاني لي كان محكوم عليه بعشرين عام مورا أحداث سطاش ماي الارهابية! خرج عاوتاني باش ينشر افكارو المتطرفة و تجرأ يقول على اللقاح أنه “خطير” ! واش نتا آ الكتاني جينيتيسيان ؟ ميكروبيولوجيست ؟! عندك شي لابوراطوار فالڤيلا ديالك ؟

كيفاش المتطرف الكتاني لي كان محكوم عليه بعشرين عام مورا أحداث سطاش ماي الارهابية! خرج عاوتاني باش ينشر افكارو المتطرفة و تجرأ يقول على اللقاح أنه “خطير” ! واش نتا آ الكتاني جينيتيسيان ؟ ميكروبيولوجيست ؟! عندك شي لابوراطوار فالڤيلا ديالك ؟

سهام البارودي – كود//

لحد الآن التلقيح اختياري فالمغرب و فحال بزاف ديال الدول عبر العالم فأوروبا و آسيا جواز التلقيح ضروري لولوج بعض المرافق العمومية و هادا اجراء من بين بزاف ديال الاجراءات لي الهدف ديالها حماية عباد الله من الوباء ! طبعا هاد الاجراء نقدرو نتافقو معاه او نختالفو معاه كيما واقع فالعالم كامل ! و من حق أي واحد يعبر على الرأي ديالو !

ولكن لي خطير هوا بنادم يبدا يهضر و جيب يا فم و گول باش ينشر افكار مغلوطة ! شكون قال للكتاني المتطرف بلي اللقاح خطير باش ينوض يكتبها فالفايسبوك بلا حشمة بلا حيا ؟ عندو شي دراسات ؟ دار شي ابحاث فداك اللابوراطوار لي فالڤيلا ديالو ؟ قاري الكتاني اصلا شي علم كايمكنو يقولينا واش اللقاح خطير و لا لا ؟ جينيتيسيان ؟ ميكروبيولوجيست ؟ اختصاصي فالجهاز المناعاتي ؟ آش دخل حمارتو للفروسية اصلا ؟

هاد التطاول على العلم لي كايمارسوه بعض المتطرفين لي دماغهم عامر بنظرية المؤامرة راه غير معقول ! مي نعيمة تشدات حيت شككات فكورونا فالوقت لي الدولة كانت دايرة مجهود كبير باش تقنع الناس انهم يحميو راسهم باتباع اجراءات السلامة ! و الكتاني حر طليق كاينشر لينا الافكار المسمومة ديالو ضد اليهود و ضد المرأة و ضد المفكرين و المثقفين بكل أريحية و دابا ضد اللقاح واخا هوا بينو و بين العلم و الميكروبيولوجيا و الايمينولوجيا مابين السما و الارض فالوقت لي الدولة كادير مجهود باش تقنع الناس باللقاح !

 

موضوعات أخرى

30/11/2021 17:30

ماذا يعني “توقفت ” العدالة والتنمية عند زيارة وزير دفاع إسرائيل؟! الأمانة العامة تتأمل الزيارة وتراوغها وتنحني أمامها