سعيد الشاوي كود كازا ///

الطاكسيات الصغار فالمدن لكبار وخاصة فكازا ومراكش… مشكلة كبيرة. كيعيقو الاستثمار. فاجتماع قبل ايام نعاقد فكازا بحضور السلطات كلها٬ خصص لاقناع المستثمرين فقطاع السياحة يديرو مجهود باش يضاعفو عدد الاسرة فالعاصمة الاقتصادية

وفق مصدر ل”كود” حضر للاجتماع٬ فقد تدخل ممثل سلسلة فنادق “بارسيلو” وقال باللي حنا واحلين غير مع الطاكسيات الحمرين. وبللي كيعانيو معاهم وديما مضاربين وكيقلقو الزبناء٬ يضيف مصدر “كود”.

يعني كيقولو للداخلية وللدولة المغربية عندنا اوطيلات فكازا ونزيدو نبنيو ولكن حلو لينا مشكلة الطاكسيات الحمرين.

دابا كاين تطبيقات ولكن ما معتارفينش بيهم. بيضاوا كيستعملوهم ولكن السلطات ما عاطياهمش ترخيص. مشهد عبثي ومخليين الطاكسيات اللي كلهم ريع فريع يديرو ما بغاو