الرئيسية > آش واقع > كيفاش “الاحرار” جابو الكفاءة لكبيرة لحكومة بنعرفة النسخة الثانية. نادية فتاح خرجات من “سانلام” الجنوب افريقية باش تاخد السياحة وغامرات ب50 مليون شهريا -ها منين جات
09/10/2019 17:45 آش واقع

كيفاش “الاحرار” جابو الكفاءة لكبيرة لحكومة بنعرفة النسخة الثانية. نادية فتاح خرجات من “سانلام” الجنوب افريقية باش تاخد السياحة وغامرات ب50 مليون شهريا -ها منين جات

كيفاش “الاحرار” جابو الكفاءة لكبيرة لحكومة بنعرفة النسخة الثانية. نادية فتاح خرجات من “سانلام” الجنوب افريقية باش تاخد السياحة وغامرات ب50 مليون شهريا -ها منين جات

كود هناء ابو علي ///

نادية فتاح العلوي وزيرة السياحة والصناعة التقليدية والنقل الجوي ربما اكثر وحدة كفاءة فهاد الحكومة الجديدة. من بين 6 الوزراء الجداد ربما القافزة فيهم كلهم وقافزة حتى على عدد من الوزراء اللي كانو وبقاو هي هاد السيدة. كتشغل مدير عامة ل”ساهام” اللي مكلفة ب56 فرع ف26 دولة. وجه معروف حصلات على المدرسة العليا للتجارة بباريس. بدات سنة 1997 بفرانسا عند ارتور انديرسون.

بالمغرب بدات التجربة المهنية ب”ساهام” وف2017 عينت مديرة عامة ب”ساهام” وكانت هي المهندسة لعملية التفويت للشركة الجنوب الافريقية “سانلام”.

هي المؤسسة والمسؤولة لنادي النساء وعضو الشبكة الدولية “يومان كوربورايت ديريكتور”.

فتاح باها كان وزير سابق وسبق ليه وكان مدير عام للمكتب الشريف للفوسفاط. هاد المديرة غامرات بكلشي باش تخدم القطاع العام. جات من القطاع الخاص وكانت كتاخد قرابة 50 مليون سنتيم شهريا تقريبا وجات باش تاخد 5 مليون سنتيم. وهادي مغامرة كبيرة ولكن حزب التجمع الوطني للاحرار دارت ضربة مزيانة، ضربة كان لمولاي حفيظ العلمي دور كبير باش يجيبها للحكومة.

موضوعات أخرى