كود سبور//

تألق الدولي المغربي يوسف النصيري مع الفريق ديالو إشبيلية الإسباني، وماركا له تاني 2 بيوتا فالماتش اللي بادي دابا ضد فياريال فبطولة الصبليون.

وقدر الدولي المغربي يوسف النصيري يفتتح التسجيل لإشبيلية بهدف من بيلانتي ماركاه فالدقيقة 26، وماركاو فياريال التعادل فالدقيقة 30 بواسطة ألكسندر سورلوث، ورجع يوسف النصيري وضرب الهدف الثاني لإشبيلية فالدقيقة 44.

ورفع يوسف النصيري بهاد 2 بيوتا اللي ماركا الرصيد ديالو من الاهداف فبطولة الصبليون هذا الموسم إلى 15 هدف، وولا من بين أحسن 10 هدافين فتاريخ إشبيلية وقدر يبعد الفريق من مراكز الخطر.