وكالات //

قدر شخص جابوني سميتو “شوجي موريموتو” (Shoji Morimoto)، عندو 38 عام، والملقب بـ”المستأجر”، أنه يدير البوز بالوظيفة ديالو الخاصة، واللي عمر شي واحد ما حلم بيها فالشينوا، وهو أنه ما كيدير والو غير يطلق وذنيه ويتصنت للهضرة ديال الكليان.

الوظيفة ديال الشاب الياباني اللي تشهر فالعالم هو أنه كيكري راسو للناس اللي محتاجين شخص يهضرو معاه أو يشكيو عليه، وكيجلس معاهم لمدة من الوقت بلا ما يقول حتى كلمة، وخدمتو يسمع ويسكت.

كيشد موريموتو 10 آلاف ين ياباني (حوالي 85 دولار) على كل جلسة، وغالبا ما كيمشي مع الناس اللي غارقين فالهم، وعندهم شي حاجة مبرزطاهم.