گود سبور//

حط الحكم الدولي المغربي رضوان جيد الاتحاد الأفريقي فوقف محرج بزاف، ورفض يلعب ماتش ترتيب كوب دافريك 2023، احتجاج منو حيث كيشوف راسو كان يستحق يلعب الفينال وماشي فقط فهاد النسخة ولكن حتى النسخة اللي من قبل.

وحسب مصادر مطلعة، فرضوان جيد قرر يقاطع ماتش الترتيب وما يلعبوش وخبر الكاف بأنه موعت وما يقدرش يلعب ماتش الترتيب، وحط مسؤولين الاتحاد الأفريقي فموقف محرج بزاف، واضطرو الكاف لتعيين الحكم الإثيوبي بامالك تيسيما لماتش الترتيب بين الكونگو الديمقراطية وجنوب إفريقيا، غدا السبت.

واخا ما كاينش رضوان جيد فماتش الترتيب، فهاد المباراة فيها تواجد مغربي من خلال الحكمين المساعدين المغربيين لحسن أزگاو، ومصطفى أكركاد.