گود سبور//

عبر البرتغالي كارلوس كيروش مدرب منتخب سلطنة عمان على الرغبة ديالو الكبيرة باش يربح الماتش ضد المنتخب الوطني المغربي، غدا الجمعة برسم الجولة الثانية من كأس العرب 2025 المقامة بقطر، باش يرجعو التوازن لمنتخبهم بعدما خسرو الجولة الأولى من السعودية، ويحافظو على أمالهم بالتأهل للدور الثاني.

وهضر كارلوس كيروش خلال الندوة الصحافية اللي كاتسبق ماتش المغرب وسلطنة عمان، وقال: “المنتخب المغربي هو منتخب مزيان، وشفناه كيفاش لعب ضد منتخب جزر القمر وغادي نديرو جهدنا كامل باش نربحوهم فـ الماتش، وهادي مباراة مهمة بزاف بالنسبة لينا وخاصنا نربحوها باش تبقى عندنا آمال فـ التأهل للدور الثاني من البطولة”.

البرتغالي كارلوس كيروش اللي فايت له واجه المنتخب المغربي 2 مرات فـ كاس العالم 2018 ملي كان مدرب لإيران وفـ كاس إفريقيا 2021، زاد هضر على المنتخب المغربي وقال: “وي ربحت المنتخب المغربي 2 مرات، ولكن حنا ما كانربحوش بالماضي، راه خاصنا نوجدو منتخب قوي باش يربح، وكانحتارمو المنتخب المغربي اللي عندهم لاعبين مزيانين، وهدفنا حنا هو نربحو 3 نقاط غدا ونوصل للطوب ديال المنتخب العماني”.