وكالات//

علن أوطيل ديال الثلج في السويد “Icehotel” أنه حل الأبواب ديالو باش يستقبل السياح هاد الموسم، وهو أوطيل كيذوب وكيعاود يبنيوه كل عام.

على حساب ماقال جورنال “الديلي ميل” إن هاد لوطيل كيعاودو يبنيوه كل عام من عام 1989 في قرية Jukkasjarvi، على بعد 125 ميل شمال الدائرة القطبية الشمالية حدا نهرTorne، وهو عامر بالمنحوتات الجليدية الواعرة بزاف.

وهاد العام دوز  26 فنان من 13 دولة أيام وأسابيع باش يصممو هاد لوطيل بطريقة  فنية مبهرة وبدعو في 12 جناح من هاد لوطيل.

وغادي يوصل طول القاعة الرئيسة “الأيقونية” للوطيل هذا العام تقريبا 30 ميترو على حساب مقال الجورنال، وغادي يكونو فيه ثريات كريتسالية مصنوعة من 220 بلورة ثلجية مصنوعة باليد.