كود الرباط//
توصلت “گود” بفيديوهات صادمة لأكثر من 4 جيتسكيات تهجموا على شاطئ الأميرة لالة زينب بالهرهورة، مساء اليوم الاحد، وخلقوا حالة رعب في صفوف المصطافين حيث اضطر البعض للهروب من المنطقة اللي احتلوها صحاب الجيسكي.
الغريب هو أن صحاب جسكي جاو من منطقة بعيدة لهاد لابلاج، حيث رجحت مصادر “گود”، بلي جاو من سلا، وطبعا هاد لابلاج لي احتلوه مافيهش رخصة الجتسكي أصلا.
السؤال لي كيطرحو عدد من المتتبعين كيفاش دخلو لهاد لابلاج النقي وكيهددو فالسلامة ديال المصطافين، بلا رخصة طبعا وفتحدي لمذكرة وزير الداخلية عبد الوافي لفتيت.
هاد لابلاج لي كان ديما هادئ وممنوع فيه الباراسولات ولخيام، دبا هجمو عليه الهرگاوا وصحاب الخيام.
https://web.facebook.com/watch/?mibextid=WC7FNe&v=1073372947538878
