وكالات//

تصدّم جمهور نجمة “تيك توك” الأمريكية إميلي كايزر بخبر موت  ولدها اللي كان عندو 3 سنين، من بعد أيام قليلة على حادث ديال الغرق اللي كان مؤلم بزاف.

الطفل تنقل فـ 12 ماي للسبيطار ديال الأطفال فـ مدينة فينيكس، ولاية أريزونا، من بعد ما لقاوه مغمى عليه فـ لابسين. ووفقاً لما قالتو قناة KPHO-TV نقلاً عن البوليس، الفرق ديال ليزيرجونس حاولت تنعّشو فبلاصتو، ومن بعد نقلوه بطيارة للمستشفى، لكن للأسف مات بعد 6 أيام بسبب الإصابات الخطيرة اللي تعرّض ليها.

@emiliekiser

ما كايناش معلومات كثيرة على تفاصيل الحادث، والتحقيقات مازالت دايرة خدمتها.

إميلي كايزر، اللي عندها أكثر من 3.3 مليون متابع على تيك توك، وصلاتها موجة كبيرة ديال الدعم والتعاطف من الناس فمواقع التواصل.

المتابعين عبّرو على حزنهم الكبير ووقفو معاها فهاد المصاب، وكيأكدو قدّاش كانت كتبيّن الحب والرعاية فالمحتوى العائلي ديالها.