جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية
نجوى المالحي – كود //
الفنان الكوميدي كَاد المالح خرج اليوم صباح فيديو كليب الأغنية ديالو “Bidonville” اللي خرجات هادي مدة و ولات الشطحة ديالها مشهورة.
الفيديو كيدوي فيه على العام ديال كورونا اللي تسبب في إغلاق بزاف ديال الملاهي الليلية والمسارح و قاعات العروض الفنية بأنواعها واللي هي مصدر عيش أساسي ديال بزاف الفنانين في العالم اللي تضررو فهاد الجايحة والتضرر ديالهم مازال حتى لهاد الساعة.
في الفيديو كليب بان كَاد المالح أنه دخل بحال شي شفار لكباري ولكن الفكرة هي أنه دخل واستمتع ونشط وضحك وفرح وغنا، ومن هنا جات ديك الشطحة ديال الأغنية اللي ولات مشهورة بزاف.
الفيديو في قل من ساعة ضرب كثر من 4 آلاف مشاهدة، وداكشي مازال غادي طالع.
وكشف المالح في حوار داز هاد الويكاند أن 2021 غادي يدوزها في الغنا باش يضبر على راسو وكخطوة أخرى للفنانين اللي كيدوزو من حاجة لحاجة.
و اللي كيعرف المالح كيعرف كيفاش أن سبيكتاكل ديالو كيكون ديما فيهم مزيج بين الضحك التمثيل والغنا و الشطيح.