وكالات//

جريمة جديدة كتهز مصر، والبطل ديالها واحد مول فرماسيان متهم باغتصاب العيالات والدراري الصغار من الكليان ديالو.

هاد الصيدلي، لي عندو محل في مدينة نصر في العاصمة القاهرة، كيختار من الكليان ديالو العيالات والبنات والدراري الصغار لي غادي يتعدى عليهم، وكيدير ليهم شي بيكورا كتنعسهم ومن بعد كيعتادي عليهم.

المشكل ماشي غير هنا، المصيبة هي أنه كيصورهوم كاملين بكاميرات المراقبة ديالو، وكيصيفطهم ليهم باش يخافو يفضحوه.

ولكن الفضيحة جاتو من أقرب الناس ليه، لي هي مراتو لي ولات دابا طليقتو، لأنها هي لي مشات عند البوليس وفضحاتو، بعدما شافت دوك الفيديوات في التيليفون ديالو والبيسي ديالو حتى هو.

دابا المتهم معروض على النيابة العامة، ومهدد بالمؤبد.